Abstrakt

Codex nunc vigens iam secundus est in historia juris ecclesiastici. In utroque Codice praescripta de Vicariis paroecialibus inveniuntur, attamen non identica. Qua de causa prima in parte de Vicariis paroecialibus in Codice anno 1917 promulgato sermo est, scilicet de Vicario actuali, de Vicario oeconomo, de Vicario substituto, de Vicario adiutore et de Vicario cooperatore tractatur. In parte secunda de Vicariis parocialibus in Codice Ioannis Pauli II agitur, i.e. primum de Vicariis paroecialibus in documentis Concilii Vaticani II„ in schematibus futuri Codicis et deinde in ipso novo Codice. Latius de obligationibus et iuribus Vicariorum paroecialium tractatur, tam in iure universali, quam in iure particulari, scilicet in lege dioecesana Ecclesiarum particularium Poloniae. Denique de relationibus parochus — vicarii paroeciales sermo est. Praesertim hac in materia multa nova elementa in lege conciliari inveniri possunt.