Abstrakt

Praesentatur relatio habita in Universitate Cardinalis Wyszyński Varsaviae quae convocavit sessionem solemnem occasione septuagesimi anniversarii Rev-mi Domini Professoris Wojciech Góralski. Relatio incipit revocando in mentem leges promulgari ad bonum tuendum, ideoque scopus et proposita legislationis quoad principia vitae individualis et socialis memorantur. Prima in parte de obiecto quod tuitur quaestio est: ut quidquid iure tueri possit, primo definiri debet. Obiectum hoc eruitur non tantum ex normis iuris canonici matrimonium attingentibus, sed etiam respectu evolutionis processus de nullitate matrimonii – initio ad ordinem socialem servandum restituendumque, postea in dies magis ad bonum spirituale coniugum quorum matrimonium naufragium excepit ordinati. Secundo passu tensio inter indissolubilitatem et processum de nullitate matrimonii utpote instrumentum viam ad novum matrimonium ineundum aperiens. Cavendum est ne tensio haec, rationibus pastoralibus nutrita, in discidium simultatemque coalescat, quod ultimis temporibus ob abusum iuris defensionis saepius evadit. In fine quaestio ponitur, an praxis hodierna processum matrimonialem quod attinet generali considerationi distantive et critice subicienda non sit.