Résumé

Praesens articulus proemio, parte principali, conclusione et argumento lingua latina exarato, constat.

In proemio fundamentales notiones relatae ad sacramentum paenitentiae et reconciliationis, et quidem ad mentem Papae Joannis - Pauli II, nempe virtutis paenitentiae, sacramenti paenitentiae, ministri seu confessoris, paenitentis et absolutionis, dantur.

Pars principalis in quattuor puncta dividitur.  quia canones  978, 979, 980 et 981 Codicis Juris Canonici exponuntur. Secundum can. 978 in audiendis confessionibus minister est iudex et medicus, divinae iustitae et misericordiae personam sustinet, ut honori divino et animarum saluti consulat. - Ad normam can. 979 minister sacramenti paenitentiae et reconciliationis in quaestionibus ponendis cum prudentia et discretione procedere debet, et attenta conditione et aetate paenitentis, et a nomine complicis paernitentis inquirendo semper abstineat. - Can. 980 confessario iubet, ut paenitenti disposito absolutionem det, paenitenti dubie disposito absolutionem differat, et panitenti haud disposito absolutionem deneget. - In can. 981 regula statuitur secundum quam confessarius paenitenti satisfactiones, habita ratione condicionis peccatoris iniungat. Paenitens vero per se ipse satisfactiones implere obligatur.

In fine articuli constitutio apostolica Paenitemini et credito Evangelio diei 17 februarii 1966 anni Papae Pauli VI in memoria revocatur.