Resumen

Praesentatur praelectio habita die 26.4.2006 in Universitate Cardinalis Wyszyński Varsaviae ad participantes sessionis commemorativae primi anniversarii obitus Joannis Pauli II. Propositum sessionis erat influxio Eius in iurisprudentiam Tribunalium Ecclesiae in causis nullitatis matrimonii in lucem ponenda censendaque. Auctor opinatur conditionem matrimonii in Polonia ab illa aliis in regionibus Europae non differre. Etiam praxis tribunalium ecclesiasticorum in Europa declarationem nullitatis matrimonii quod attinet aequabilis videtur. Auctor conatur praxim hanc adspicere principium indissolubilitatis matrimonii sequendo et insimul enodare realitate sociali et culturali prae oculis habita. Considerationes haec, etiam propria experientia iudiciali nitentes, auctorem ad conclusionem ducunt de necessitate non tam augmentationis quantitativae et qualitativae titulorum nullitatis, quam educationis hominum ut ad matrimonium ineundum et vivendum apti sint.