Abstrakt

Auditores Rotae Romanae de Turno (M. Giannecchini, Ae. Colagiovanni, H. Ragni), die 18 februarii 1986 an. Decretum tulerunt quo Sententia primi jurisdictionis gradus a Tribunali Regionali Latii die 12 julii 1985 ann. lata ex parte confirmata est. Supramemorata Sententia declarationem nullitatis matrimonii pronuntiavit - ad instantiam actricis - ex titulo incapacitatis vini eliciendi validum consensum matrimonialem et ob exclusionem boni prolis ex parte mulieris. In Decreto Turnus rotalis decernit Sententiam Tribunalis primae instantiae confirmandam esse tantum ex parte, seu ob incapacitatem viri conventi eliciendi validum consensum, vetito eidem viro transitu ad alias nuptias, inconsulto Tribunali Regionali Latii. Auctor praesentat et commentat Decretum de quo loquitur non minus quoad partem in iure quam in facto, in conclusione vero suas animadversiones relate ad diversos aspectus huius Decreti exprimit.